У беларускую сталіцу паспелі дабрацца 70 удзельніц міжнароднага конкурсу прыгажосці. Прыкладна дзесяць дзяўчат яшчэ ў дарозе.
У холе Нацыянальнай школы прыгажосці адбылося першае афіцыйнае дэфіле канкурсантак.
на фота: Annie Fuenmayor - удзельніца конкурсу "Miss Supranational 2013" з Венесуэлы
Прэзідэнт кампаніі Nowa Scena (кампанія-арганізатар Miss Supranational 2009-2013) Gerhard Parzutka von Lipiński і Першы намеснік старшыні тэлеканала АНТ Сяргей Хоміч урачыста абвясцілі старт конкурсу "Miss Supranational 2013".
на фота: (злева направа) Сяргей Хоміч і Gerhard Parzutka von Lipniski
На прэс-канферэнцыі таксама выступілі дзеючая "Miss Supranational" Кацярына Бурая і беларуская ўдзельніца конкурсу "Miss Supranational 2013" Вераніка Чачына.
на фота: Кацярына Бурая
на фота: Вераніка Чачына
Варта адзначыць, што ў "Miss Supranational 2013" бяруць удзел дзяўчаты, за плячамі якіх ёсць досвед удзелу ў найбуйных міжнародных конкурсах прыгажосці: "Міс Свету", "Міс Сусвет", "Miss International" і г.д.
на фота: (злева направа) Deisa Shehaj (Албанія), Thanyaporn Srisen (Тайланд), Armande Akumah (Тога), Leyla Kose (Турцыя) і Кацярына Сандулава (Украіна)
Але, нажаль, першае афіцыйнае мерапрыемства "Miss Supranational 2013" не абыйшлося без невялікай непрыемнасці — зусім юная канкурсантка з Гвадэлупы Эладзі Одадан (Elodie Odadan) страціла прытомнасць. Магчыма, адбілася хваляванне, магчыма акліматызацыя, магчыма стомленасць пасля доўгай дарогі ў далёкую Беларусь. Да шчасця, усё абыйшлося — праз некалькі хвілін дзяўчына ўжо ўсміхалася.
Фінал конкурсу "Miss Supranational 2013" адбудзецца 6 верасня ў мінскім Палацы спорту. Арганізатар конкурсу — тэлеканал АНТ — абяцае непаўторнае грандыёзнае шоу. А пакуль удзельніц конкурсу чакае досыць насычаная праграма, якая ўключае ў сябе падарожжа па беларускіх славутасцям (Сафійскі сабор у Полацку, Лідскі замак, Аўгустоўскі канал, Брэсцкая крэпасць, Белавежская пушча, Нясвіжскі і Мірскі замкі і інш.), а таксама вельмі шмат рэпетыцый дэфіле і харэаграфіі.
на фота: (злева направа) Ramela Koleci (Косава), Deisa Shehaj (Албанія) і Natasha Pretorius (ПАР)
